Last Updated: April 11, 2026
Welcome sa denster project (“me”, “my” or “mine”). Sa iyong pag-access o pag-gamit ng https://densterproject.com/ (the “Site”, “Website”), ikaw ay pumapayag na magpasaklaw sa mga sumusunod na Terms and Conditions, Privacy Policy, Copyright, at Disclaimers. Basahin mo ito ng maigi. Malay mo, may surprise quiz sa dulo 😁
⚡ TL;DR (Too Long; Didn't Read)
Nirerespeto ko ang iyong privacy, pero pinagpaguran ko ang lahat ng nilalaman ng website na ito, kaya kung gagamitin mo ang site na ito para gumawa ng kabulastugan o anumang illegal, kailangan nating maghiwalay ng landas. At hindi ako manghuhula kaya bahala ka sa buhay mo kung paano mo gagamitin ang mga natutunan mo dito (kung meron man)!
1. The "Don't Be a Jerk" Policy (Terms & Conditions)
Sa pagtambay mo dito, pumapayag ka na sumunod sa mga alituntunin. Isipin mo na lang na bahay ko ito at ikaw ay aking bisita. Alangan naman na ako pa ang mag-adjust? Ang lahat ng nilalaman ng site na ito ay for personal sharing, fun at learning.
Just Be Cool: Bawal ang hacking, injecting, scraping, at huwag mo gamitin ang site na ito para sa paghahasik ng kasamaan o pagpapakalat ng malwares.
Age Check: Kailangang ikaw ay nasa wastong gulang (o may katabi kang guardian angel) kung bibisita ka sa site na ito.
Kick Out: Kung aasta ka na parang troll, puwede kitang sipain papalabas nang walang abiso. Kaya iwasan ang spamming, trolling, o pag-post ng offensive comments.
Use at your own risk. Kung may sinunod ka na guide na itinuro ko, o may ni-download ka na freebie na nabanggit ko, o basta may ginawa ka dahil sa sinabi ko, ginawa mo ‘yun ng voluntarily. Kung napahamak ka dahil dito, hindi ko na dapat kasalanan ‘yun =p
Respect: Huwag mang-away o mang-bash sa comments. I-enjoy lang natin ang pagtambay dito. Keyboard warriors, kalma lang.
“Terms and conditions are like software updates,
we all agree without knowing what’s inside.”
2. Your Secret Stash (Privacy Policy)
Sa pag-comply sa Philippine Data Privacy Act of 2012 (RA 10173), ita-trato ko ang iyong data tulad ng pagtrato ko sa aking data – na may pag-iingat at respeto.
What I Take: ‘Yung mga basic lang – puwedeng ‘yung pangalan at email address mo kapag nag-subscribe, nag-comment, o nag-message ka. Maaari ko ding kolektahin ang gamit mong browser, device, IP address – mga usual website stuff.
What I Do With It: Gagamitin ko ang mga info na ito para mapanatiling swabe ang pagtakbo ng site na ito, ma-improve ang experience mo sa tuwing bibisita ka dito, magpadala ng updates o reply kapag nag-comment o nag-e-mail ka, at pigilan ang mga spammers at trolls na nambabasag ng trip.
HINDI ko ibebenta ang iyong data sa mga third parties kahit bayaran pa ako ng milyones. Period. Maaari ko lang itong i-share kapag ni-require ng batas, para ma-secure ang site, o kapag gumagamit ng trusted third-party tools tulad ng analytics at e-mail services.
Cookies: Hindi ito ‘yung nakakain. Ito ‘yung maliit na file na tumutulong para tumakbo ang site na ito na walang aberya at maalala ang iyong preferences. Ginagamit ito sa analytics para malaman kung anong mga posts ang tumabo sa takilya o nilangaw. Minsan ginagamit din ito for functionality tulad ng hindi ka na kailangang mag re-type ng info kapag nai-type mo na ito nang minsan. Puwede mong i-turn off ang cookies sa iyong browser pero baka malungkot ang site na ito at hindi gumana ng 100%.
Your Rights: Depende kung saan ka nakatira, maaaring may karapatan ka na i-access ang iyong data, utusan ako na i-delete ang data mo, o huwag ako payagang gamitin ang data mo.
Gagawin ko ang lahat ng aking makakaya para mapanatiling ligtas ang iyong data. Pero tandaan mo na walang sistema ang 100% hacker-proof. (Kahit si Superman may kryptonite.)
“Privacy is like underwear.
Everyone has it, but it’s not polite to show it off.”
3. The "Don't Sue Me" Clause (Disclaimer)
Bagama’t ginagawa ko ang lahat para mapanatiling accurate at updated ang lahat ng nilalaman ng site na ito, hindi ko maipa-promise na ang lahat ng nandito ay 100% correct, current, o perfect para sa iyo. Pasensiya na, tao lang.
No Crystal Balls: Ang mga contents ng site na ito ay for informational, entertainment, at minsan ay for experimental purposes only. Isipin mo lang na para lang itong pakikipagkuwentuhan sa iyong mga kaibigan – masaya, minsan nakakatulong, pero hindi ito substitute sa professional (financial, legal, medical, etc.) advice. Makipag-ugnayan sa mga real-life pros bago gumawa ng malaking desisyon sa buhay.
External Links: Minsan, nagshe-share ako ng mga links papunta sa ibang websites. Kapag binuksan mo ang mga links na ito, ibig sabihin ay lilisanin mo na itong ating tambayan, kaya hindi ako magiging responsible kung anuman ang mangyari sa iyo sa bago mong adventure. Browse responsibly. Hindi ko kayang i-control ang buong internet. Hindi pa 😈
Not Liable: Hindi ako magiging liable sa anumang loss, damage, o mild existential crisis na mangyayari sa iyo sa pagbisita mo sa site na ito. Kasama na din ang mga broken gadgets, emotional damage mula sa aking movie recommendations, o kung ma-miss mo ang iyong deadlines dahil nag-binge-read ka ng mga posts ko. Hindi ko kasalanan kung matapunan ka ng kape sa kakatawa sa mga jokes ko, maiyak ka sa sobrang ganda ng mga posts ko, o hindi ka makasakay sa train habang nagbabasa, ma-bash ka pagkatapos mo i-share ang content ko, o maubos ang iyong mobile data dahil sobra kang na-entertain.
“The nice thing about disclaimers is that they can make you feel safe,
while telling you you’re on your own.”
4. Who Owns What? (Copyright & Fair Use)
My Brainchild: Lahat ng reviews, ramblings, writings, images, designs, media, at mga walang kuwentang kuwento sa site na ito ay akin. Kung mag-share ako ng content mula sa mga friends, collaborators, o iba pang sources, bibigyan ko sila ng proper credit.
Sharing is Caring: Feel free na i-share ang links ng aking mga posts, i-quote ang sinabi ko na tunog meaningful, o i-post ang akda ko sa social media – huwag lang kalimutang magbigay ng proper credit sa denster project. Simpleng shoutout o pag-share ng link ay sapat na para mapangiti mo nang slight ang aking puso.
Big No-No: Walang bahagi ng site na ito ang puwede mong kopyahin, kabuuan man o bahagi; itago sa baul; ihulog sa drop box; isulat magmuli with feelings; i-xerox o i-print; at i-post na parang ikaw ang gumawa. At, huwag mong ire-upload ang mga images, designs, o media nang walang permiso. Huwag gamitin ang mga content ng site na ito for commercial purposes tulad ng pagbenta, pag-republish, pag-print sa t-shirts o mugs, o pagpapa-tattoo sa iyong noo nang walang approval mula sa denster project.
Kung gusto mong gamitin ang anumang nasa site na ito, magtanong ka lang. Malaking chance naman na papayag ako. Lalo na kung may libreng kape.
The Borrowed Stuff: Kung makakita ka ng mga movie posters, album covers, book covers, o occasional cinematic screenshots – hindi ko ‘yan pag-aari! Galing ‘yan sa mga brilliant studios, artists, at labels na siyang maylikha ng mga ito.
Why they’re here: Ginagamit ko ang mga assets na ito sa ilalim ng Fair Use provisions ng Philippine Intellectual Property Code (Section 185). Nilagay ko lamang ang mga ito para magbigay ng context sa aking reviews at commentary.
No Harm Intended: Ang goal ko ay i-celebrate mga likha na ito, at hindi para angkinin o baguhin. Kung ikaw ay copyright holder at gusto mo ipabago o ipatanggal ang mga assets na ito, magpadala lang ng friendly note at susunod ako na mabilis pa sa alas-kuwatro.
“Ctrl+C and Ctrl+V are not life hacks,
they’re lawsuits waiting to happen.”
5. The "Where We Settle Things" (Governing Law)
Kung meron tayong hindi pagkakaunawaan na hindi kayang ayusin sa maboteng usapan, aayusin natin ito sa ilalim ng batas ng Republika ng Pilipinas.
6. Updates
Ang denster project ay maaaring mag-update ng content sa page na ito from time to time. Anumang pagbabago ay ipo-post din dito kasama ang petsa kung kailan ito na-update. Kung patuloy mong bibisitahin ang site na ito, nangangahulugan na tinatatanggap mo ang mga pagbabago na ito.
Last update: Tinagalog ko lang ang laman ng page na ito.
Reach Out!
May tanong ka ba? Gusto mo mag-“hi”? May nakita kang typo? Huwag kang mahiya na padalhan ako ng love letter.
“Rome wasn’t built in a day.
Neither are great blogs.”