Kung nitong mga nakaraang araw ay nakakita ka ng mga post, memes, at jokes tungkol sa salitang esmiringhoy, at napatanong ka kung ano ba talaga ang ibig sabihin nito, hindi ka nag-iisa!
Nag-viral ang salita matapos itong mabanggit ni Evelyn Batuigas sa isang panayam sa Wanted sa Radyo tungkol sa mga problema nila ng kaniyang asawa. Nang tanungin kung ano ang ibig sabihin nito, ipinaliwanag niyang tumutukoy ito sa bembangan.
Actually, ang bembangan ay isa ring informal na salita para sa pakikipagtalik.
Pero ang interesting dito, hindi pala bagong imbento ang salitang esmiringhoy. May mga dokumentadong paggamit na nito sa mga lumang sanggunian ng wikang Bisaya, kabilang ang isang English-Visayan vocabulary na inilathala noong 1996. Mayroon ding naitalang paggamit nito noong 1929, bagama’t bilang pen name o pseudonym na may kaugnayan sa isang humor column.
Nakakatawa man ang naging reactions ng netizens, interesting din isipin kung paano nagiging viral ang isang salitang hindi naman bago. May mga salitang matagal nang ginagamit sa isang lugar o komunidad, pero nagiging bagong discovery para sa mas malaking audience kapag napunta sa mainstream media at social media.
At siyempre, hindi mawawala ang creativity ng mga Pinoy pagdating sa memes at wordplay. Isang salita lang, pero kung anu-anong jokes at references na agad ang nabubuo! 😂 ‘Yan and lakas ng Pinoy!
Leave a Reply